ट्रॅफिक पोलिसांने पैसे मागितले म्हणून दुचाकीस्वार नग्न होऊन नडला…

सोलापूर l पोलीस आणि वाहन चालक यांच्यात अनेक वेळा भांडण होत असतं. तसेच हाणामारी झाल्याच्याही घटना घडल्या आहेत. कोरोना लॉकडाऊन काळात तर पोलीस अन् सर्वसामान्यांच्या वादाचे कित्येक व्हिडिओ व्हायरल झाले आहेत.

हा व्हिडिओ पाहून थक्क व्हाल.आपल्या दुचाकीवरुन गॅस सिलेंडर घेऊन जाणाऱ्या वाहनचालकाकडे ट्रॅफिक हवालदाराने पैशांची मागणी केली होती. त्यामुळे, पीडित दुचाकीस्वाराने चक्क मुन्नभाई एमबीबीएस चित्रपटाप्रमाणे गांधीगिरी करत अंगावरील सगळे कपडे उतरले होते.

सध्याही राज्यात काही निर्बंध लादण्यात आले आहेत. त्यामुळे अजूनही पोलिसांसोबत नागरिकांचा वाद होतोच. सध्या सोलापूरातील असाच एक ट्रॅफिक पोलीस आणि एका नागरिकाचा व्हिडिओ सोशल मीडियावर व्हायरल झाला आहे.

सोलापूर शहरातील सातरस्ता परिसरातील पत्रकार भवन येथे हा प्रकार घडला आहे. वाहतूक पोलिसाने अडवून पैशांची मागणी केल्याने पोलीस आणि नागरिकामध्ये शाब्दीक वाद झाला. त्यानंतर, पीडित व्यक्तीने अंगावरील कपडे काढून रस्त्यावरच नग्न झाल्याचं व्हिडिओत दिसत आहे. त्यानंतर, पोलीस शिपायाने घटनास्थळावरुन धूम ठोकली आहे.

शहरातील गॅस गोडावूनमधून संबंधित व्यक्ती गॅस सिलेंडर घेऊन घराकडे जात होती. त्यावेळी, वाहतूक पोलिसाने दुचाकीस्वारास हटकले व मास्क नसल्याचे सांगत पैशांची मागणी केली. त्यावेळी, मास्क घालेन नाहीतर कपडे काढून फिरेन तुम्हाला काय करायचंय, असा प्रतिप्रश्न व्यक्तीने केला. त्यावेळी, पोलिसानेही कपडे काढा नाहीतर काहीही करा, पण मास्क नसेल तर पावती फाडा, अशी भूमिका घेतली होती. त्यानंतर, संबंधित व्यक्ती कपडे काढून नग्नावस्थेत रस्त्यावर उभा राहिला. या घटनेचा व्हिडिओ सोशल मीडियावर व्हायरल झाला आहे.

पोलिसांची बदनामी होऊ नये म्हणून संबंधित व्यक्तीचा शोध घेऊन सत्यता पडताळण्यात येईल. संबंधीत रस्त्यावरील वाहतूक पोलिसांकडेही चौकशी करण्यात येत आहे. वाहतूक पोलीसाने चौकशीत अवैध्यरित्या पैशांची मागणी केल्याचे सिद्ध झाल्यास कारवाई करण्यात येईल, असे पोलीस उपायुक्त डॉ. दिपाली धाटे-घाडगे यांनी म्हटले आहे.

 

Leave a Reply

Your email address will not be published. Required fields are marked *

Back to top button